بەرێز عومەر ئۆرەیی سەرەدانا رێڤەبەریا کاروبارێن شەھیدان و ئەنفالکریان ل ئیدارا سەربەخویا زاخۆ کر

ئەڤرۆ بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ دگەل ستافێ کارگێریا لقێ هەشت، سەرەدانا رێڤەبەریا کاروبارێن شەھیدان و ئەنفالکریان ل ئیدارا سەربەخویا زاخۆ کرن ژلایێ ئەحمەد خەمو رێڤەبەرێ رێڤەبەریا کاروبارێن شەھیدان و ئەنفالکریان و فەرمانبەرێن رێڤەبەریا ناڤھاتی ڤە ھاتنە پێشوازێ کرن.

بەرپرسێ لقێ ٨ێ پارتی دیموکراتی کوردستان ل زاخۆ دەستخۆشی ل تەڤایا کارمەن و رێڤەبەرێ رێڤەبەرییا کاروبارێن شەهیدان و ئەنفالکریان کر کو بێ ماندیبوون خزمەتا کەس و کارێن شەهید و ئەنفالکریێن سنۆرێ ئیدارا سەربەخۆیا زاخۆ دکەن و گۆت ژی؛ ئەم وەکو لقێ هەشت ب هەمی شیانێن خوەڤە پشتەڤانین ژبۆ هەر ئاسانکاری و خزمەتەکا گرێدایی مامەلەیێن کەس و کارێن شەهیدان ژبەرکو خزمەتکرنا مالباتێن شەهید و ئەنفالکریان ئەرکە ل سەر ملێن مە.