بەرێز عومەر ئۆرەیی سەرەدانا مالا پێشمەرگەیێ دێرین خۆدێ ژێ رازی عەلی سادق نۆردینی کر

‎ئەڤرۆ، بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب بەرهەڤبوونا ستافێ کارگێریا لقێ هەشت ب مەرەما بەشدارییا بەهیا خۆدێ ژێ رازی (عەلی سادق نوردینی) پێشمەرگەیێ دێرین و بابێ دوو شەهیدان؛ سەرەدانا مالا وان کر و هەڤخەمیا خوە بۆ مالباتا پێشمەرگەیێ دێرین دیارکر.

‎بەرپرسێ لقێ ٨ێ پارتی دیموکراتی کوردستان ل زاخۆ خۆیاکر کو مام عەلی سادق غازی نوردینی ئێک ژ پێشمەرگەیێن دێرین و دلسۆزێ رێبازا پیرۆز و کوردایەتیێ بوویە و بەشداری چەندین داستان و شەرێن سەخت و دژوار بوویە ژ پێخەمەت رزگارییا کوردستانێ و بەرپرسێ لقێ هەشت گۆت ژی؛ خزمەتا پێشمەرگەیێن مە یێن دێرین شانازییا مللەتێ مەیە و خۆدایێ مەزن، مام عەلی ب بەهشتا خوە یا بەرین شاد بکت و سەبرو هەدارێ بدت مالباتا وان.