نووچه
بەرێز عومەر ئۆرەیی لدۆر جەژنا رۆژیێن چلێ هاڤینێ و جینوسایدا ئێزدیان پەیامەکێ بەلاڤ دکەت
ئەڤرۆ جه‌ژنا رۆژيێن چلێ هاڤينێ یێن برایێن مە یێن ئێزدی یە، ب ڤێ هەلکەفتێ گه‌رمترين پيرۆزباهيێن خۆ ئاراسته‌ىی جڤاتا ڕۆحانی و ته‌ڤایان ئێزدیێن جیهان و کوردستانێ و ب تایبەت یێن ئیدارا سەربەخۆ یا زاخۆ دكه‌ين.
ژ خۆدایێ دلۆڤان دخوازين جه‌ژنا خێر و بەرەکەت و خۆشيێ بت بۆ ته‌ڤايا ئێزدی و مللەتێ کورد؛ و پێكڤه‌ژيانا ئایینی دناڤ هه‌موو پێكهاتێن كوردستانێ دا بهێزتر ببیت.
هەژی گۆتنێ یە کو ئەڤ جه‌ژنە هه‌ڤده‌مه دگەل یادەکا خەمگین ئەوژی سالڤه‌گه‌ڕا جينۆسايدا ئێزديانە کو پێش ۱٠ سالان ل باژێرێ شنگال و دەوروبەرێن وێ ب رەنگەکێ هۆڤانە ژ لایێ تیرۆرستێن داعش ڤە ل ۳/۸/۲٠۱٤ێ دەست ب قڕکرن و ژناڤبرنا ئێزدیان هاتە کرن کو هەتا نوکە ۱۱۹ گۆرێن ب کۆم ل شنگالێ هاتینە دیتن و تێدا پتر ژ ٥٠۲ روفاتێن قوربانیان ژ وان گۆرا هاتینە دەرئێخستن کو ۳٤۸۷۷ تاوانێن هۆڤانە یێن داعش هاتینە تۆمارکرن و هەتا نوکە ژی ۳٠٥۱ کەس بێ سەروشینن و ب هزاران خەلکێ شنگالێ ئاوارە و دەربەدەرن و ب ڤێ هەلکەفتێ وان هەمی تاوانێن دژی گەلێ کورد و جڤاکێ ئێزدییان شەرمزار دکەین.
عومەر ئۆرەیی
بەرپرسێ لقێ ۸ێ پارتی دیموکراتی کوردستان ل زاخۆ
۲٠۲٤/۸/۲
