بەرێز عومەر ئۆرەیی لدۆر جەژنا رۆژیێن چلێ هاڤینێ و جینوسایدا ئێزدیان پەیامەکێ بەلاڤ دکەت

ئەڤرۆ جه‌ژنا رۆژيێن چلێ هاڤينێ یێن برایێن مە یێن ئێزدی یە، ب ڤێ هەلکەفتێ پيرۆزباهيێن خوە یێن گەرم ئاراسته‌ىی جڤاتا ڕۆحانی و ته‌ڤایان ئێزدیێن جیهان و کوردستانێ و ب تایبەت یێن ئیدارا سەربەخۆ یا زاخۆ دكه‌ين.

ژ خۆدایێ دلۆڤان دخوازين؛ ئەڤە جه‌ژنا خێر و بەرەکەت و خۆشيێ بت بۆ ته‌ڤايا ئێزدی و مللەتێ کورد؛ و هەردەم پێكڤه‌ژيانا ئایینی دناڤ هه‌موو پێكهاتێن كوردستانێ دا بهێزتر ببیت.

‏‎هەژی گۆتنێ یە ئەڤ جه‌ژنە هه‌ڤده‌مه‌ دگەل یادەکا خەمگین کو ئەوژی سالڤه‌گه‌ڕا جينۆسايدا ئێزديانە کو پێش ١١ سالان ل باژێرێ شنگال و دەوروبەرێن وێ ب رەنگەکێ هۆڤانە ژ لایێ تیرۆرستێن داعش ڤە ل ۳/۸/۲٠۱٤ێ دەست ب قڕکرن و ژناڤبرنا برایێن مە یێن ئێزدی هاتە کرن کو هەتا نوکە پتر ژ ۱۱۹ گۆرێن ب کۆم ل شنگالێ هاتینە دیتن و تێدا پتر ژ ٥٠۲ روفاتێن قوربانیان ژ وان گۆرا هاتینە دەرئێخستن کو پتر ژ ۳٤۸۷۷ تاوانێن هۆڤانە یێن داعش هاتینە تۆمارکرن و هەتا نوکە پتر ٣٠٠٠ کەسان بێ سەروشینن و ب هزاران خەلکێ شنگالێ ئاوارە و دەربەدەرن و ب ڤێ هەلکەفتێ وان هەمی تاوانێن دژی گەلێ کورد و جڤاکێ ئێزدییان شەرمزار دکەین.

عومەر ئۆرەیی

‏‎‏‎بەرپرسێ لقێ ۸ێ پارتی دیموکراتی کوردستان ل زاخۆ

٢ی تەباخا ٢٠٢٥ێ