بەرێز عومەر ئۆرەیی پێشوازی ل ئەندامێن کونگرەیێ ئافرەتان ل سنۆرێ ئەنجۆمەنێ ئافرەتێن زاخۆ کر
بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب بەرهەڤبینا حەکیم عەبدوللا بەرپرسێ بەشێ جەماوەری و پیشەییێ لقێ هەشت؛ پێشوازی ل ئەندامێن هاتینە هەلبژارتن ژبۆ کونگرەیێ ۹ێ یێ ئێکەتیا ئافرەتێن کوردستانێ کر کو ل سنۆرێ ئەنجۆمەنێ ئافرەتێن زاخۆ بەشداری پرۆسێسا هەلبژارتنان ببوون.
بەرپرسێ لقێ ٨ێ پارتی دیموکراتی کوردستان پیرۆزباهییا وان ئافرەتان کر یێن کو ل سنۆرێ ناڤەندێن زاخۆ، باتیفا، رزگاری، دێرەبوون، باتێل و دەرکار یێن گرێدایی ئەنجۆمەنێ ئافرەتێن زاخۆ د کەشەکێ ئازادانە یێ هەلبژارتنان دا شیایین ببنە ئەندامێن کونگرەیێ ۹ێ یێ ئێکەتیا ئافرەتێن کوردستانێ و بەرێز عومەر ئۆرەیی خۆیاکر کو ئافرەتێن سنۆرێ رێکخستنێن لقێ ۸ێ پارتی دیموکراتی کوردستان ل زاخۆ هەرەم رۆلەکێ بەرچاڤ و کاریگەر هەبووینە ژبۆ خزمەتکرنا ئافرەتێن دەڤەرێ و پێگەهاندنا وان د هەمی واراندا و گوتژی؛ ئافرەتا پارتی هەردەم پێگەهەکێ ب هێز هەبوویە د مەیدانا سیاسەتێ دا و ب خەبات و شیان و وێرەکییا خوە، هەمی دەما نموونەیا ئافرەتا کوردستانێ بوویە.
