نووچه
بەرێز عومەر ئۆرەیی پێشوازی ل لقێ زاخۆ یێ کۆمەلا وەرزشڤانێن دێرین یێن عێراق و جیهانێ کر
ئەڤرۆ، بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ پێشوازی ل رێزدار (نەعمان عەلی عومەر) سەرۆکێ لقێ زاخۆ یێ کۆمەلا وەرزشڤانێن دێرین یێن عێراق و جیهانێ کر.
بەرپرسێ لقێ ٨ێ پارتی دیموکراتی کوردستان ل زاخۆ پیرۆزباهییا ماموستا (نەعمان عەلی عومەر) کر کو هاتیە هەلبژارتن وەکو سەرۆکێ لقێ زاخۆ یێ کۆمەلا وەرزشڤانێن دێرین یێن عێراق و جیهانێ و بەرێز عومەر ئۆرەیی دەستخۆشی ل شاندێ وەرزشڤانێن دێرین یێن ئیدارا سەربەخۆیا زاخۆ کر کو پێکڤە هەماهەنگن و هەڤکارن دگەل ئێک ژبۆ ڤەکرنا لقێ زاخۆ یێ کۆمەلا وەرزشڤانێن دێرین یێن عێراق و جیهانێ و گۆت ژی؛ ئیدارا سەربەخۆیا زاخۆ پێتڤییەکا زۆر ب سەربۆر و راوێژ و دیتن و شیانێن وەرزشڤانێن دێرین هەیە و ئەم وەکو لقێ هەشت یێ پارتی دیموکراتی کوردستان بەرهەڤین بۆ هەر پێتڤییەکی د خزمەتا وەرزشڤانێن دێرین و سازیێن وەرزشی یێن دەڤەرێ دا و باژێرێ زاخۆ و باتیفا ژی یا دەولەمەندە ب وەرزشڤانێن گەنجێن خۆدان شیان و مە باوەری هەیە کو موکومکرنا پەیوەندی و پشتەڤانیێ دناڤبەرا وەرزشڤانێن دێرین و سازیێن وەرزشی دا دێ زاخۆ د وارێ وەرزشێ دا پتر بەرەڤ پێشڤە بت.
