نووچه
بەرێز عومەر ئۆرەیی یادا شورەشا گولانا پێشکەفتنخواز ل مالباتێن سەربلندێن شەهیدا و پێشمەرگەیێن دێرین و تەڤایا گەلێ کورد پیرۆز دکەت
ب هەلکەفتا ٤۸ سالیا بیرەوەریا سالڤەگەرا شۆرەشا ٢٦ـی گولانا پێشکەفتنخواز، گەرمترین پیرۆزباهیێن خوە ئاراستەیی تەڤایا تێکۆشەرێن گەلێ کورد و ب تایبەت ژی پێشمەرگەیێن قارەمان یێن پشکدارێن ڤێ شۆرەشا دیرۆکی دکەین.
شۆرەشا گولانێ وەك درێژەپێدەرا شۆرەشا ئیلۆنا مەزن، هێمایێ خۆراگری و گەهاندنا پەیاما گەلێ کوردە بۆ جیهانێ کو هیچ دوژمنەك نەشێت خواست و ئیرادە و هیڤیا گەلێ مە بێ دەنگ بکەت.
ڤێ شۆرەشێ ل سەر بنەمایێ رزگاریا نەتەوەیی و دیموکراسیەتێ و هزر و ئایدولۆژیا بارزانیێ نەمر و ب رێبەرایەتیا پارتی دیموکراتی کوردستان و ئیرادەیا کادر و پێشمەرگە و سەرکردەیێن ژێهاتی، شیان هیڤی و ئۆمێدەکا دیتر ب گەلێ کوردستانێ ببەخشن و شکەستنێ ب هەموو پیلانێن دوژمن و داگیرکەران بهینن و جارەکا دی گەلێ کوردستانێ بگەهینن کنارێن ئازادیێ و ب دەهان دەستکەفتان ژی بو گەلێ مە بدەستڤە بهینن.
ل ڤێ بیرەوەریێ، سلاڤان بۆ گیانێ پاقژێ سەرجەم شەهیدێن شۆرەشا گولانێ و سەروەرێ وان بارزانیێ نەمر و کاك ئیدریسێ هەردەم ساخ د هنێرین.
سلاڤ ل لێڤەگەرێ کوردان و سەرۆک و پێشمەرگە جەنابێ مەسعوود مستەفا بارزانی.
سلاڤ ل پێشمەرگەیێن دێرین و خەباتکەرێن خۆنەچەماندین و کەسوکارێن سەربلندێن شەهیدان بن.
سلاڤ ل هەمی کادر و ئەندام و لایەنگر و جەماوەرێ دلسۆزێ پارتیا مە بن
عومەر ئۆرەیی
بەرپرسێ لقێ ۸ێ پارتی دیموکراتی کوردستان ل زاخۆ
۲٠۲٤/٥/۲٤
