نووچه
ب به‌رهه‌ڤبوونا ڕیزدار عومه‌ر ئوره‌ى به‌رپرسێ لقێ ٨ دوماهى ب خوله‌كا پازده رۆژى هات ئینان
دچارچوڤێ پرۆگرامێ هاتیه دارێشتن ژلایێ لیژنا ناوچا رزگارى یا پارتى بۆ ڤه‌كرنا خولێن ره‌وشه‌نبیرى و پێگه‌هاندنا كادرو ئه‌ندامێن رێكخستنێ ب به‌رهه‌ڤبوونا ڕیزدار عومه‌ر ئوره‌ى به‌رپرسێ لقێ هه‌شت یێ پارتى دیمۆكراتى كوردستان ل زاخۆ و جه‌بار حه‌جى كارگێرێ لقێ و به‌رپرسێ بەشێ رێكخستنێ و دكتورا نازدار عارف كارگێرا لقێ هه‌شت و به‌رپرسا بەشێ پێگەهاندن و ره‌وشه‌نبیرى و ڕاگه‌هاندنێ، د رێوره‌سمه‌كێ دا دوماهى ب خوله‌كا پازده رۆژى هات ئینان.
د په‌یڤه‌كێ دا به‌رپرسێ لقێ هه‌شت باس ل مفا وه‌رگرتنا ئه‌ڤان خولێن ڕه‌وشه‌نبیرى و پێگه‌هاندنێ كر، داخازا سه‌ركه‌فتنێ بۆ به‌شدرابوویان خاست، رێزدار عومه‌ر ئوره‌یى ئاماژه ب شووره‌شا گولانا پێشكه‌فتن خواز كر كو به‌رده‌وامیى دان ب شوره‌شا ئه‌یلولێ بوویه و ڕۆلێ سه‌ركردایه‌تیا پارتى د ئه‌وێ سه‌رده‌مى دا بۆ بده‌ستڤه‌ئینانا ماف و خواستێن گه‌لێ كوردستانێ كو ئه‌ڤرو ب سایا به‌رهه‌مێ خوینا شه‌هیدان ملله‌تێ مه ب ئه‌وان ده‌ستكه‌فتان ژین و ژیارا وه‌لاتان ب رێڤه‌دبن.
به‌رپرسێ لقێ ٨ دیار ژى كر پارتى به‌رده‌وامه بۆ بده‌ستڤه‌ئینانا هه‌مى ماف و خواستێن گه‌لێ مه ب سه‌رپه‌رشتیا سه‌رۆك بارزانى و پشته‌ڤانیا گه‌لێ مه و هێڤیى خواست كو كادر و ئه‌ندامێن پارتى د ئه‌ڤێ قوناغێ دا ب هه‌سته‌كێ نیشتیمانى و نه‌ته‌وه‌یى ئه‌و ده‌ستكه‌فتێن ب خوینا شه‌هیدان بده‌ستڤه هاتین ب پارێزن.
