ب بەرهەڤبوونا بەرێز عومەر ئورەیی ئاریشەیەکا جڤاکی هاتە چارەسەرکرن

ئەڤرۆ ، د چارچوڤێ بزاڤ و چالاکیێن لقێ ٨ـێ پارتی دیموکراتی کوردستان دا بۆ چارەسەرکرنا ئاریشێن جڤاکی؛ بەرێز عومەر ئورەیی بەرپرسێ لقێ ٨ـێ پارتی دیموکراتی کوردستان ل زاخۆ، ب بەرهەڤبوونا هەژمارەکا خێرخوازان ژ هەردوو مالباتان، ئاریشەیەکا جڤاکی دناڤبەرا بنەمالا (علی نادر خرابابکی) و مالا (ماجد عریف) دا هاتە چارەسەرکرن، کو ئاریشەیا وان بۆ بەریا چەند هەیڤەکان ڤەدگەرییت.

بەرێز عومەر ئورەیی بەرپرسێ لقێ ٨ د پەیڤەکێ دا سوپاسیا هەردوو بنەمالان کر و خێرخوازێن دەڤەرا زاخۆ کو هاریکاربووینە بۆ چارەسەرکرنا ڤێ ئاریشێ و دیارکر کو پارتی هەردەم د بزاڤان دایە ئاریشێن خوینداری ل دەڤەرێ چارەبکەت.

بەرپرسی لقێ هەشت گۆت ژی؛ دلخۆشین کو هەردوو بنەمالان سۆزداینە وەکی دوو برایان بن ل گەل ئێک و ل سەر خێرێ خزمەتا وەلاتێ خوە بکەن.