ب بەرهەڤبوونا ڕێزدار عومەر ئۆرەی دووماهی ب خۆلەکا پێگەهاندنا کادران هاتەهینان

ب بەرهەڤبوونا ڕێزدار عومه‌ر ئۆرەی به‌رپرسێ لقێ هه‌شت یێ پارتى دیمۆكراتى كوردستان ل زاخۆ، به‌شێ ڕەوشه‌نبیرى و ڕاگەهاندن و پێگه‌هاندنێ یێ لقێ ٨ خۆله‌كا پێگه‌هاندنێ بۆ نیزیك ٤٥ كادرێن سه‌ر ب لیژنەیێن ناوچەیێن هیزل و سه‌رهلدان و ده‌ركارێ ب دووماهی هینات.

بەرپرسێ لقێ هەشت یێ پارتی دیار کر ئەڤ خۆلە گرنگن و ئەم گرنگییەکا باش ب خۆلان ددەن بۆ بلندکرنا ئاستێ کادران

ئەڤ خۆلە ب سەرپەرشتیا د. نازدار عارف بەرپرسا بەشێ ڕه‌وشه‌نبیرى و ڕاگەهاندن و پێگه‌هاندنێ یێ لقێ هەشت بۆ ده‌مێ هه‌یڤه‌كێ به‌رده‌وام بوو و ئه‌ڤ خۆله‌ د چارچووڤەیێ بڕیارا به‌شێ پێگه‌هاندن و دیراسات یێ مه‌كته‌با سیاسى یا پارتى دیمۆکراتی كوردستاندا هاتبوو ڤەکرن بۆ پێگه‌هاندنا كادران و چار بابه‌ت بخوه‌ڤه‌ دگرتن، ژ وان: دانوستاندن، ژیرى هه‌ستیارى، هونه‌رێ سه‌ركردایه‌تییێ و بابه‌تێن كۆمپیوته‌رى. بابه‌ت ژ لایێ بەرێزان دكتۆر شێرزاد زه‌كه‌ریا، دكتۆرا دلین ئه‌دیب میرۆ و دكتۆر عه‌بدولکەر‌یم عوسمان هاتنە‌ پێشکێشکرن.