ب فەرمانا سەرۆك بارزانی شەهیانا ١١٠ بیك و زاڤایان هاتە گێران

سەر فەرمانا رێزدار سەرۆك (مەسعود بارزانی) شەهیانەکا ب کۆم بۆ ١١٠ کور و کچێن ئیدارا سەربەخۆ یا زاخۆ ل کۆرنیشێ پرا دەلال هاتە رێکخستن.

رێزدار فەرماندە مەنسۆر بارزانی، رێزداران عومەر ئۆرەیی، بەرپرسێ لقێ٨ یێ پارتی و گوهدار شێخۆ، سەرپەرشتێ ئیدارا سەربەخۆ یا زاخۆ و چەندین مێهڤان د ڤێ ئاهەنگا ب کۆم دا بەرهەڤبوون.

د پەیڤەکێ دا بەرێز مەنسۆر بارزانی، پیرۆزباهیێن خۆ و جەنابێ سەرۆك بارزانی ب وان کچ وکورێن شەهیانا وان هاتیە گێران گەهاندن و خزمەتکرنا خەلکێ ئیدارا سەربەخۆ یا زاخۆ ب ئەرك ئینات زمان.

هەروەسا دوپاتی ل جوامێری و نشتیمانپەروەری و پارتیپەروەریا خەلکێ زاخۆ کر و ئاماژە کر کو خەما پارتی و سەرۆك بارزانی خەلکێ کوردستانێ یە.

د ڤان رێورەسماندا دیاریێن تایبەت ژی ب سەر سەرجەم بیک و زاڤایاندا ژلایێ بەرێز مەنسۆر بارزانی ڤە هاتنە دابەشکرن و، برگەیێن جودا جودا یێن ستران گوتنێ و دیلانێ ژی برێڤەچوون.