خۆلا فێرکرنا قورئانا پیرۆز بۆ ۳ هزار زارۆکان ئەرکەکێ ئاینیێ پیرۆزە ل ئیدارا سەربەخۆیا زاخۆ بجهـ دهێت
ڤەکرنا خۆلەکا تایبەت یا فێرکرنا قورئانا پیرۆز و پەروەردە و ئامۆژگاریێن گشتی بۆ ۳٠٠٠ زارۆکێن مە یێن کچ و کور یێن خۆشتڤی ل ۲٥ مزگەفتێن زاخۆ، د بێهنڤەدانا هاڤینێ دا، پێتڤییەکا رۆژانەیە و ئەرکەکێ ئاینیێ پیرۆزە ل ئیدارا سەربەخۆیا زاخۆ بجهـ دهێت.
ب ئەنجامدانا ڤی کارێ جوان، دەستخۆشیێ ل بەرێز گوهدار شێخۆ سەرپەرشتێ ئیدارا سەربەخۆیا زاخۆ دکەین کو سەرپەرشتی ل ڤی پرۆژەیێ گرنگ کری و دەستخۆشی و سۆپاسیا بەرێز مشیر محمد بشیر قایمەقامێ قەزا ناڤەندی یا زاخۆ و بەرێز شێخ نەعیم عەبدولغەفار رێڤەبەرێ ئەوقاف و کاروبارێن ئایینی ل زاخۆ و بەرێز شێخ مەمدوح شێخ عەبدولجەبار بەرپرسێ لقێ زاخۆ یێ ئێکەتیا زانایێن ئایینێ ئیسلامێ و ماموستایێن ئایینی یێن زاخۆ دکەین کو ژ نزیک و رۆژانە ئاگەهدارن ل سەر چاوانیا ب رێڤەچوونا خۆلا فێرکرنا قورئانا پیرۆز و ئەم ژی وەکو پارتی دیموکراتی کوردستان پشتەڤانین ل کارو خۆلێن ب ڤی رەنگی گرنگ بۆ فێرکرنا قورئانا پیرۆز ل جهێن پیرۆز و دناڤ مزگەفتاندا کو زارۆکێن مە ب رێک و پێکی د پەروەردەیا ئایینی دا بهێنە پێگەهاندن ب چاڤدێریا ئێکەتیا زانایێن ئایینی و وەزارەتا ئەوقاف و کاروبارێن ئایینی.
لقێ ۸/ زاخۆ
پارتی دیموکراتی کوردستان
٦/٦/۲٠۲۳
