نووچه
ده‌ریێ سنۆری یێ سه‌رزێری دوباره هاته ڤه‌كرن
پشتی سێزده رۆژێن داخستنێ، ده‌ریێ سنۆری یێ سه‌رزێری د ناڤبه‌را هه‌رێما كوردستانێ و توركیا دا ل سنۆرێ ناوچه‌دارییا كانی ماسێ ئه‌ڤرۆ دوباره هاته ڤه‌كرن.
سه‌ربه‌ست سه‌بری ئاكره‌یی رێڤه‌به‌رێ ناوچه‌دارییا كانی گۆت : ئه‌ڤرۆ سه‌عه‌ت نه‌هی سپێدی پشتی داخستنا سێزده رۆژان یا ده‌ریێ سنۆری یێ سه‌رزێری د ناڤبه‌را هه‌رێما كوردستانێ و توركیا، ده‌ستهه‌لاتدارێن توركیا بریارا ڤه‌كرنا وی دا.
گۆت ژی : ژ سپێده‌هییا ئه‌ڤرۆ هاتووچوویا وه‌لاتییان د ده‌ریێ سه‌رزێری را ئاسایی بوویه.
به‌ریا سێزده رۆژان ژبه‌ر ره‌ڤاندنا چار وه‌لاتیێن خه‌لكێ باكۆرێ كوردستانێ ژ ئالیێ گه‌ریلایێن پارتییا كرێكارێن كوردستانێ په‌كه‌كێ ڤه، ده‌ریێ سنۆری یێ سه‌رزێری ژ ئالیێ حكومه‌تا توركیێ ڤه هاتبوو داخستن.
