نووچه
د.عه‌لى ته‌ته‌ر: نابیت چو جاران خێزانێن شه‌هیدان بهێنه ژبیركرن
محه‌مه‌دصدیق
د چوارچوڤێ هاتییه دانا ژ لایێ لقێ 8 یێ پارتى دیموكراتى كوردستان ڤه بو سه‌ره‌دانێن خێزانێن شه‌هید و برینداران د مه‌ها ره‌مه‌زانێ دا، ئه‌ڤرو دكتور عه‌لى ته‌ته‌ر ئه‌ندامێ به‌رپرسێ لقێ 8 یا پارتى ب سه‌رپه‌رشتیا شانده‌كێ، سه‌ره‌دانا خێزانێن هه‌رئێك ژ شه‌هید سلێمان عیسێ و شه‌هید عیسا كه‌ریم و بنه‌مالا شه‌هید شلیمان سێڤدین ل سنوورێ لژنا زاخو یا پارتى كرن، پاشان ل سنوورێ لژنا سه‌رهلدان ژى سه‌ره‌دانا خێزانا شه‌هید ئه‌یوب قوتاس كرن، د وان سه‌ره‌دانان دا دكتور عه‌لى ته‌ته‌ر دیاركر، ئه‌و هه‌مى گاڤا پشته‌ڤان و هاریكارێن خێزانێن سه‌ربلندێن شه‌هیدێن خوه‌نه، نابیت چو جاران ئه‌وێن خوه گورى خاك و وه‌لاتى كرینه بهێنه ژ بیركرن، گوت ژى، هندى ژ مه بێت ئه‌م دێ سه‌ره‌دانا به‌رده‌وام كه‌ین داكو باشتر هایدارى ره‌وشا خێزان و كه‌س و كارێن وان بین
