رێزدار سەربەست لەزگین د سمینارەکا جەماوەری دا ل زاخۆ:

ئەڤرۆ سەربەست لەزگین ئەندامێ مەکتەبا سیاسیا پارتی و بەرپرسێ مەکتەبا رێکخستنا پارتی ل پارێزگەها دهۆکێ ب بەرهەڤبوونا بەرێز عومەر ئۆرەیی بەرپرسێ لقێ ۸ێ پارتی ل زاخۆ و ب ئامادەبوونا هەمی تەخ و چینێن جڤاکی یێن باژێرێ زاخۆ، د سمینارەکا جەماوەری دا ل هولا کۆچکا هۆنەری یا زاخۆ باس ل رەوشا سیاسی یا دەڤەرێ کر.

بەرپرسێ مەکتەبا رێکخستنا پارتی ل پارێزگەها دهۆکێ د سمینارا خوە دا رۆهنکرنەک لدۆر رەوشا سیاسیا دەڤەرێ ب گشتی کر و گۆت ؛ کابینا نەهێ یا حکۆمەتا هەرێما کوردستانێ د پێشکێشکرنا خزمەتگوزاریان دا بۆ ئیدارا سەربەخۆ یا زاخۆ رۆلەکێ کاریگەر هەبوویە و ئاڤەدانییەکا باش و ژ هەژی ل ئیدارا سەربەخۆ یا زاخۆ هاتیە کرن.

د درێژاهیا سمینارا خوە دا بەرێز سەربەست لەزگین ئاماژە ب سیاسەتا حەکیمانەیا جەنابێ سەرۆک بارزانی و پارتی دیموکراتی کوردستان دا د خۆرتکرن و بلندڕاگرتنا پەیوەندیێن هەرێما کوردستانێ دگەل حکومەتا عیراقێدا و وەلاتێن دەوروبەر دا.