زاخو: بیره‌وه‌ریا سه‌رهلدانێ هاته ساخكرن
محه‌مه‌دسدیق
ئه‌ڤرو ل پاركا شه‌هیدان، خه‌لكێ ئه‌ڤى باژێرى د ئاهه‌نگه‌كێ دا بیره‌وه‌ریا سه‌رهلدانا باژێرێ زاخو ساخكرن، ژبه‌رى 28 سالان خه‌لكێ ده‌ڤه‌رێ هه‌ر ژ ناحیا ده‌ركارێ و هه‌تا ناڤا باژێرێ زاخو، بنگه‌هـ و جهێن حكومه‌تا به‌عسا سه‌دامى رامالین و شیان هه‌ناسه‌یا ئازادیێ بو ئه‌ڤێ ده‌ڤه‌رێ و خه‌لكێ وێ په‌یدا بكه‌ن.
د په‌یڤه‌كێ دا به‌رپرسێ لقێ هه‌شت یا پارتى ئه‌ڤ روژه ل زاخوییان پیروزكر و دیاركر ژى ب به‌رهه‌مێ سه‌رهلدانێ گه‌له‌ك ده‌ستكه‌فت هاتینه ده‌ست، ژلایه‌كێ دیڤه خه‌لكێ ده‌ڤه‌رێ سه‌ره‌رایى ده‌ربرینا هه‌ستێن خوه به‌رامبه‌ر ڤێ روژا مێژوویى، هند كه‌سان ژى پشكدارى د ئه‌ڤێ سه‌رهلدانێ دا كریه و چه‌ند دیمه‌نێن چه‌واتیا ده‌ستپێكرنا و رزگاركرنا باژێرێ زاخو ئینان زمان، ئازادبوون ژ بن زولم و سته‌ما سیسته‌مێ دیكتاتوریێ حكومه‌تا عیراقێ یا وى سه‌رده‌مى، كه‌یف و خوه‌شیه‌كا مه‌زن ب خه‌لكێ باژێرێ زاخو و ته‌ماما هه‌رێما كوردستانێ دا، پشتى كو ل 13ى ئادارا سالا 1991 ێ ئه‌ڤى باژێرى سه‌رهلدایى و ب رول و پێگه‌هێ سه‌روك بارزانى ژى به‌رهه‌مێ وى ئه‌ڤروكه كوردستان به‌ره‌ڤ ئایینده‌یه‌كێ گه‌ش ڤه بر.
