زاخۆ.. 8 کیلۆگرامێن ماددەیێن هوشبەر هاتنە گرتن

هەشت کیلۆگرامێن ماددەیێن هوشبەر شڤێدی ل ئیبراهیم خەلیل هاتنە گرتن و 2  کەس ب سووچا بزاڤێن دەربازکرنا وان، گرتینە.
ئاساییشا گۆمرکا ئیبراهیم خەلیل، شڤێدی 8  کیلۆگرامێن ماددەیێن هوشبەر ژ جۆرێ شیشە کرستال، د ناڤا ترومبێلەکێ دا گرتن. 2  کەس د ناڤا ترومبێلێ دا بوون، هەردو هاتینە گرتن و بۆ رێڤەبەرییا گشتی یا ئاساییشا دهۆکێ هاتینە ڤەگوهاستن و دووڤچوون دگەل وان بەردەوامە.
هەردو کەسێن ب سووچا تاوانێ هاتینە گرتن، ئاکنجیێن هەرێما کوردستانێ نە و ماددەیێن هوشبەر ژ هەولێرێ ب دەست خستبوون و نیەتا وان ئەو بوو ل سنۆران دەرباز بکەن و ل تورکیا بفرۆشن.