سه‌رۆكێ حكومه‌تا هه‌رێمێ پیروًزباهى ئاراسته‌یى گه‌لێ كلدان و ئاشورى و سریانیێن ل كوردستانێ و عیراقێ كرن

مه‌سروور بارزانى سه‌رۆكێ حكومه‌تا هه‌رێما كوردستانێ د په‌یامه‌كێ دا ب هه‌لكه‌فتا جه‌ژنا ئه‌كیتۆ و سه‌رێ سالا بابلى و ئاشوریان راگه‌هاند، ب هه‌لكه‌فتا جه‌ژنا ئه‌كیتۆ و سه‌رێ سالا بابلى و ئاشورى گه‌رمرتین پیرۆزباهیان ئاراسته‌یى گه‌لێ كلدان و ئاشورى و سریانیێن ل كوردستانێ و عیراقێ دكه‌م و هێڤیدرام سالا نوى سالا ئاشتى و ئارامى و خوه‌شگوزه‌رانیێ و بدوماهى هاتنا هه‌مى نه‌خوه‌شیان بت و، د په‌یاما سه‌رۆكێ حكومه‌تێ دا هاتیه‌ ژى، ئێك ژ سیماێن گه‌شێن هه‌رێما كوردستانێ، پێكڤه‌ژیان و ئاشتیا دناڤبه‌را پێكهاته‌یێن ئاینى و نه‌ته‌وه‌یێن جیاوازه‌ و هێڤیدارام ئه‌ڤ هه‌مه‌ ره‌نگى و ته‌بایى یا هه‌ى زێده‌تر گه‌شه‌ بكت، و ئه‌م هه‌مى پێكڤه‌ كار بو زێده‌تر پێشئێخستنا كوردستانێ بكن