سەرۆک بارزانی و پۆمپیۆیی رەوشا سیاسی یا ئیراقێ گۆتوبێژ کر

وەزیرێ دەرڤە یێ ئەمریکا پەیوەندی ب سەرۆک بارزانی کر و رەوشا سیاسی یا ئیراقێ ل گەل گۆتوبێژ کر.
ل گۆرەیی راگەھاندەکا مالپەرێ فەرمی یێ بارزانی، ئەڤرۆ مایک پۆمپیۆ، وەزیرێ دەرڤە یێ ویلایەتێن ئێکگرتی یێن ئەمریکا ب رێیا تلەفۆنێ پەیوەندی ب سەرۆک مەسعوود بارزانی کر، د وێ پەیوەندیێ دا باس ل دوماھیک پێشھات و رەوشا سیاسی یا ئیراقێ ھات کرن.
ئەڤ پەیوەندیا تێلەفۆنی یا هەردو ئالییا ل دەمەکی یە، کو ل نەھی کانوونا دویێ یا ئەڤ سالە پۆمپییۆی سەرەدانا ھەرێما کوردستانێ کربوو و د ھەڤدیتنا ل گەل سەرۆک بارزانی دا دوپاتی ل بەردەوامییا ھەماھەنگییا د ناڤبەرا ھەولێر و واشنتۆنێ دا ژبۆ سەقامگیرییا دەڤەرێ کربوو .