شانده‌كێ فه‌تح و ده‌وله‌تا قانوونێ دگه‌ل پارتى كومبوون
محه‌مه‌دسدیق
ئه‌ڤرو شانده‌كێ هه‌ڤپه‌یمانیا فه‌تح و ده‌وله‌تا قانونێ گه‌هشتنه هه‌ولێرێ و پێكڤه سه‌ره‌دانا مه‌كته‌با سیاسیا پارتى دیموكراتى كوردستان كرن و پاشى ژى كومبوونه‌ك ئه‌نجام دان، فازل میرانى سكرتێرێ مه‌كته‌با سیاسى یا پارتى د پرێسكونفرانسه‌كێ دا،سه‌ره‌دانا شاندێ فه‌تح و ده‌وله‌تا قانوونێ ب پێنگاڤه‌كا باش و ئه‌رێنى وه‌سفكر، فازل میرانى ئه‌و یه‌ك ژى روونكر، وان شاندا بوچوونا خوه نیشاندان كو كوتله‌یه‌كا به‌رفره‌ه ژ شیعه و سونه و كوردان بهێته پێكئینان، ڤیتو ژى ل سه‌ر چو كه‌سه‌كێ نینه و دخوازن به‌رنامه‌یه‌كێ حكومى یێ گشتگیر ئاماده‌بكه‌ن، سكرتێرێ مه‌كته‌با سیاسیا پارتى گوت ژى، ئه‌ڤه خاله‌كا هه‌ڤبه‌شه د ناڤبه‌را مه و واندا و تاكو ئه‌نجامێن هه‌لبژارتنان و بریارێن روونتر نه‌هێنه دان ئه‌م نه‌شێن چو بریاران ژى بده‌ین، به‌لێ ده‌ستپێكه‌ك هه‌یه و ل سه‌ر ڤێ یه‌كێ دێ كومبین، فازل میرانى ئاماژه‌كر، ئه‌و شاند دێ چیته سلێمانیێ و ئالیێن دیتر ژى دێ بینیت، و گوت ژى، ئه‌م دلگرانن و مه‌نه‌ڤێت عیراق به‌ره‌ف بوشایى یان غیابا موئه‌سه‌ساتى بچیت كو ئێك ژ وان ده‌ستهه‌لاتا یاسادانانێ یه، فه‌تح و ده‌وله‌تا قانونێ و كورد و سوننه پێكهاته‌یێن مه‌زنن، حیكمه و وه‌ته‌نییه و ئالیێن دیتر ژى دێ هێنه دناڤدا
