شانده‌كێ لقێ 8ێ پارتى سه‌ره‌دانا مالا شه‌هید ره‌زوان محمد سندى كر
بمەرەما گەھاندنا به‌هى و سەرەخوشیێ بو بنەمالا پێشمەرگێ قەھرەمان شەھید رەزوان محمد علي سندی، یێ کو ژ به‌رى دوو روژان ب گوللـەیەکا قەناسا پەکەکێ ل گوندێ بھێرێ یا سەر ب ناحیا دەرکارێ ڤە ھاتیە شەھیدکرن، ئەڤرو شاندەکێ لقێ٨ ێ پارتى دیموكراتى كوردستان ل زاخو ب سەرپەرشتیا عەلی عەونی ئەندامێ جڤاتا سەرکردایەتیێ و بەرپرسێ لقێ٨ یێ پارتی، سەرەدانا خێزانا شەھیدى کرن، دروینشتنەکێ دا سەرەخوشیێن خو گەھاندنە خێزانا وی و ژ خودێ خواستن جھێ وی بەھەشتا بەرین بت و سەبر و ھەدارێ ژی ب ھەمی لایەکێ بدت. عەلی عەونی راگەھاند ژی، ئەو کریارێن پەکەکە ئەنجام دده‌ت کریارێن دوژمنکارانەنە ل دژی پێشمەرگەی و خەلکێ کوردستانێ و دەستدرێژییە بو سەر ئاخا ھەرێمێ و پیروزیێن وێ، ئەم وان کریاران ئیدانە و شەرمزار دکه‌ین وپارتی دیموکراتی کوردستان ژی ماف و خوینا ڤان شەھیدان ل عەردێ ناھێلیت
