عه‌بدولمه‌هدی رۆنکرنەک ل دۆر پۆستێن نوو یێن وەزارەتان بەلاڤ کر
سه‌رۆكوه‌زیرێ راسپاردی ئه‌گه‌رێن ره‌دكرنا به‌ربژارێن پارتیێن سیاسی ژ بۆ پركرنا پۆستێن وه‌زاره‌تان ئاشكه‌را كرن و راگه‌هاند: سه‌ركه‌فتنا حكومه‌تێ بێ پشته‌ڤانییا راسته‌قینه یا وەلاتییان بده‌ستڤه ناهێت.
د به‌یاننامه‌یه‌كێ دا عادل عه‌بدولمه‌هدی سه‌رۆكوه‌زیرێ راسپاردی سوپاسییا وان وه‌لاتییان كر، یێن ل دووڤ داخوازا وی به‌ربژاركرنا خوه ب رێیا مالپەرێ ئه‌لكترۆنی پێشكێش كری و راگه‌هاند: هنده‌كان ره‌خنه ل وێ پێنگاڤێ گرتن، ژ به‌ركو ب گۆتنا وان خوه به‌ربژاركرن بۆ پۆسته‌كێ وەزارەتەکێ سیاسییه، نه‌ك پۆسته‌كه، کو ل هه‌مبه‌ر هه‌موو وەلاتییان بهێته ڤه‌كرن.
گۆت ژی: ل ئیراقا نها ڤالاهییه‌كا مه‌ن د ناڤبه‌را وەلاتی و هێزێن سیاسی دروست پێدڤی ب بهێت چارەکرن و پارتێن سیاسیژی هانا پشكدارییا كه‌سێن سه‌ربخوه و پاقژ د رێڤه‌برنا وه‌لاتی دا بكه‌ن، داكو ده‌ستهه‌لات د ده‌ست ئالیه‌كی بتنێ دا نه‌هێته قورخكرن.
