فەرماندە مەنسۆر بارزانی: ئەم خۆ ب خزمەتکارێن خێزانێن شەهیدان دزانین

ئەڤرۆ بەرێز فەرماندە مەنسۆر بارزانی، د گەل خێزانێن شەهیدێن سەربلندێن ئیدارا سەربەخۆ یا زاخۆ کۆمبوو.

بەرێزان عومەر ئۆرەیی، بەرپرسێ لقێ٨ پارتی، گوهدار شێخۆ، ئەندامێ کۆمیتا ناڤین یا پارتی و ژمارەیەکا پێشمەرگە وخێزان وکەسوکارێن شەهیدان بەرهەڤبوون.

بەرێز فەرماندە مەنسۆر بارزانی راگەهاند، خێزانێن شەهیدان جهێ رێز و شانازییا گەلێ کوردستانێنە و ب خوین وخوها شەهید و پێشمەرگەیان دەستکەفتێن مەزن بدەست هاتینە و هەموو دەمەکێ ژی ئەم خۆ بخزمەتکارێ وان دزانین ودێ بەردەوام بین ل سەر وێ خزمەتێ.

فەرماندە مەنسۆر بارزانی دوپاتی ل هندێ ژی کر، سەرجەم خێزانێن شەهیدان خوینا شەهید وجانفیدایێن کوردستانێ بەرچاڤ بگرن وپشتەڤانیا لیستا ژمارە ١٩٠ یا پارتی و شەهیدان بکەن، ئەو لیستەیە یا کو پاراستنێ ل سەر قەوارێ هەرێما کوردستانێ و ماف ودەستکەفتێن وێ د کەت.