لقێ٨ ئاهەنگەک بۆ ناساندنا کاندیدێن پارتی سازکر

ب ئامادەبوونا بەرێزان عومەر ئورەیی، بەرپرسێ لقێ٨ ل زاخۆ و گوهدار شێخۆ، ئەندامێ کۆمیتەیا ناڤەندی یا پارتی دیموکراتی کوردستان و ژمارەیەکا بەرفرەهـ یا لایەنگر و جەماوەرێ پارتی، ئاهەنگەك بۆ ناساندنا کاندیدێن لیستا 275 یا پارتی ل سنوورێ ئیدارا سەربەخۆ یا زاخۆ برێڤەچوو.

ل پێشیێ هەر ئێک ژ کاندیدێن پارتی (ئاڤان قەدرێ حەیران، جوتیار خدر سندی ، حەبیب حاجی گوللی و د.شێرزاد زەکەریا سلێڤانەی) هاتنە ناساندن و چەندەك ژ خزمەت و ژیانا وان هاتە روونکرن.

پاشی پەیڤەك ژلایێ بەرێز عومەر ئورەیی، بەرپرسێ لقێ٨ یێ پارتی ڤە هاتە پێشکێشکرن و تێدا ئاماژە ب رۆلێ گرنگ یێ جەنابێ سەرۆک بارزانی و خزمەت و خەباتا پارتی کر، هەروەسا دوپاتی ل شیانێن کاندیدێن پارتی کر و داخواز کر سەرجەم جەماوەر پشکداریێ د هەلبژارتناندا بکەن و دەنگی ب کاندیدێن وێ بدەن.

هەر د بەردەوامیا رێورەسماندا چەندین ستران و برگەیێن خۆش ژلایێ تیپا رۆژ یا ستران و موزیکێ ڤە هاتنە پێشکێشکرن.