نووچه
لقێ هەشتێ پارتی یادا ٦۲ سالییا شورەشا ئیلۆنا مەزن ساخ دکەت
ئەڤرۆ ل ژێر چاڤدێریا بەرێز عومەر ئۆرەیی بەرپرسێ لقێ ۸ێ پارتی و ب بەرهەڤبوونا ستافێ کارگێریێ لقێ هەشت و کادرێن پارتی ل سنۆرێ ئیدارا سەربەخۆیا زاخۆ، ب هەلکەفتا دەربازبوونا ٦۲ سالیا شورەشا ئیلۆنا مەزن سمینارەک بۆ بەرێز (د. هوگر تاهر) ماموستایێ زانکۆیا زاخۆ لدۆر (شورەشا ئیلۆنێ و رۆلێ بابێ نەتەوەیا کورد مەلا موستەفایێ بارزانی نەمر د بەرپاکرنا شورەشێ دا) ل هولا لقێ هەشت هاتە سازکرن.
د سمینارێ دا د. هوگر تاهر ماموستایێ زانکۆیێ باس ل قوناغێن هەستیارێن شورەشا ئیلۆنێ و رۆلێ جەنەرال مەلا موستەفا بارزانی کر د بەرپاکرنا شورەشێ دا و کاریگەریا سیاسەتا بارزانی نەمر ل سەر ئاراستەیێ بزاڤا سیاسییا عێراقێ و ل سەر ئاستێ جیهانی و قوناغێن سەخت و دژوار یێن شورەشا ئیلۆنێ و دەستڤەئینانا مافێن رەوایێن گەلێ کورد هاتنە باسکرن.
