لقێ هەشت پێشوازی ل قوتابیێن خولا رەوشەنبیرییا مەکتەبا رێکخستنا پارتی ل پارێزگەها دهوک کر
ئەڤرۆ، بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ دگەل بەرێزان ئەبو جیهان و حەکیم عەبدوللا کارگێرێن لقێ هەشت پێشوازیەکا ژ هەژی ل ماموستا و قوتابیێن خولا رەوشەنبیری یا مەکتەبا رێکخستنا پارتی ل پارێزگەها دهوک کر.
پەرپرسێ لقێ ٨ێ پارتی دیموکراتی کوردستان ل زاخۆ د پەیڤەکێ دا خێرهاتنا قوتابی و ماموستایێن خۆلێ کر و خۆیاکر کو گەلەک گرنگە خۆلێن رۆشنبیری و پێگەهاندنێ بەردەوام بهێنە ڤەکرن و دیارکر کو بەشداریکرنا کادرێن هەمی لقێن سنۆرێ مەکتەبا رێکخستنا پارتی ل پارێزگەها دهوکێ دێ ئەنجامێن باش و کارتێکرنێن ئەرێنی ل سەر ئاڤاکرنا کەسایەتیا بەشداربوویان هەبن.
بەرێز عومەر ئۆرەیی گۆت ژی؛ بۆ ڤان کاودانانێن سیاسی یێن رۆژهەلاتا ناڤین و عێراق و هەرێما کوردستانێ نوکە تێدا دەرباز دبن؛ گەلەک یا فەرە مە کادرەکێ رۆشنبیر و هشیار و بەرپرسیار هەبیت ل هەمبەر بزاڤا مە یا نەتەوەیی ژ بۆ پاراستنا قەوارەیێ سیاسیێ هەرێما کوردستانێ و دەستخۆشی و پیرۆزباهیێ ل هەمی قوتابی و ماموستایێن بەشداربووییێن خۆلێ دکەین و شانازیێ ب کادرێن خوە یێن خەباتکەر دبین.
