نووچه
لقێ ٨ یێ پارتى دیموكراتى كوردستان ١٨ی شوباتێ ل قوتابى و لاوان پیرۆز دكه‌ت
ب هه‌لكه‌فتا یادا ١٨ی شوباتێ؛ حه‌فتێ و دوویه‌مین سالرۆژا دامه‌زراندنا هه‌ردوو رێکخراوەیێن (ئێكه‌تیا قوتابیێن كوردستانێ و ئێکەتیا لاوێن دیموكراتا كوردستانێ) ب ناڤێ لقێ هه‌شت یێ پارتى دیموكراتى كوردستان گه‌رمترین پیرۆزباهیان پێشكێشى هه‌مى قوتابى و لاوێن کوردستانێ و ب تایبەت یێن ئیدارا سەربەخۆ یا زاخۆ دكه‌ین و ئه‌ڤێ یادێ ب شانازیڤه دگه‌ل وان نوى دكه‌ین، دامه‌زراندنا ئه‌ڤان هه‌ردوو ئێكه‌تیێن چالاك ل ١٨ی شوباتا ١٩٥٣ێ ئێك ژ گرنگترین بریارێن كونگرێ سیێ یێ پارتى دیموكراتى كوردستان بوویه کو وه‌كى پێدڤیه‌كا دیروكى قوتابی و لاوێن كوردستانێ د قه‌واره‌یەكێ هه‌ڤچه‌رخ و رێكخستى دا خوە رێك بێخن.
ژبه‌ر رۆلێ قوتابی و لاوان یێ كاریگه‌ر و دلێرانه بارزانیێ نه‌مر ب جوانترین په‌یڤ وه‌سفا هەردوو رێکخراوەیان کرییە کو (قوتابی سه‌رێ رمێنه د هه‌مى شوره‌ش و راپه‌ریناندا) و (ئازایەتیا لاوێن كوردستانێ ژى بوویه پشكه‌كا هه‌ره مه‌زنا دیرۆكا به‌رخوه‌دانا گه‌لێ مه)، له‌ورا به‌رێز سه‌رۆك مه‌سعود بارزانى لاوێن كوردستانێ ب شیرها پیلایى بۆ پاراستنا كوردستانێ داینه ناسكرن.
هەر ب ڤێ هەلکەفتێ؛ سلاڤ ل گیانێ پاقژێ شه‌هیدێن هه‌ردوو ئێكه‌تیێن خه‌باتكه‌ر یێن قوتابیان و لاوێن دیموكراتا كوردستانێ و ته‌ڤایا شه‌هیدێن كورد و كوردستانێ و سه‌ركاروانێ وان بارزانیێ نه‌مر و كاك ئیدریسێ هه‌رده‌م ساخ بیت.
عومەر ئۆرەیی
بەرپرسێ لقێ ۸ێ پارتی کوردستان ل زاخۆ
٢٠٢٥/٢/١٧
