لقێ ٨ یێ پارتی خولەکا پێگەهاندنێ بۆ کادران ڤەکر

ب چاڤدێریا رێزدار عومه‌ر ئوه‌ریى به‌رپرسێ لقێ هه‌شت یێ پارتى دیمۆكراتى كوردستان ل زاخۆ، به‌شێ ره‌وشه‌نبیرى و ڕاگەهاندن و پێگه‌هاندنێ یێ لقێ ٨ خوله‌كا پێگه‌هاندنێ بۆ نێزیك ٤٥ كادرێن ب سه‌ر ب لیژنەیێن ناوچەیێن هیزل و سه‌رهلدان و ده‌ركارێ ڤەکر.

ئەڤ خۆلە بۆ ده‌مێ هه‌یڤه‌كێ دێ به‌رده‌وام بن ب سەرپەرشتیا د. نازدار عارف بەرپرسا بەشێ ره‌وشه‌نبیرى و ڕاگەهاندن و پێگه‌هاندنێ یێ لقێ هەشت ڤە کو ئه‌ڤ خوله‌ د چارچوڤێ بریارا به‌شێ پێگه‌هاندن و دیراسات یێ مه‌كته‌با سیاسى یا پارتى دیمۆکراتی كوردستان دایە‌ بۆ پێگه‌هاندنا كادران و دێ چار بابه‌تان بخوه‌ ڤه‌گریت ژ وانا؛ دانوستاندن، ژیرى هه‌ستیارى، هونه‌رێ سه‌ركردایه‌تیێ و بابه‌تێن كومپیوته‌رى، و بابه‌ت ژلایێ بەرێزان دكتور شێرزاد زه‌كه‌ریا، دكتورا دلین ئه‌دیب میرو، و دكتور عه‌بدولکەر‌یم عوسمان دێ هێنه‌ پێشکێشکرن.