لقێ ۸ێ پارتی کادرێن راگەهاندنێ یێن ۱۲ لیژنەیێن ناڤخۆ پێدگەهینیت

ل ژێر چاڤدێرییا رێزدار عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ و ل گۆر بەرنامەیەکێ رێک و پێک یێ بەشێ پێگەهاندن و رەوشەنبیری و راگەهاندن؛ ئەڤرۆ دوماهی ب خولا پێگەهاندنا کادرێن راگەهاندنێ هات کو بۆ هەر ۱۲ لیژنەیێن ناڤخۆ یێن (زاخۆ، باتیفا، دەرکار، رزگاری، باتێل، خابور، هیزل، زاگروس، سه‌رده‌م، گولان، زانين و سه‌رهلدان) یێن سەر ب لقێ ۸ێ پارتی ڤە، بۆ ماوەیێ ۳ رۆژان هاتبوو ڤەکرن.

‎رێزدار عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ د پەیڤەکێ دا دەستخۆشی ل ماموستا نازدار عارف بەرپرسا بەشێ پێگەهاندن و رەوشەنبیری و راگەهاندنێ و هەمی کادرێن بەشداربوویێن خۆلا راگەهاندنێ کر کو بێ راوەستیان یێ خزمەتا راگەهاندنا پارتی دکن و بەرپرسێ لقێ هەشت گۆت ژی؛ ئەم وەکو لقێ ۸ێ پارتی دێ بەردەوام بین ل سەر ڤەکرنا خۆلێن رەوشەنبیری و پێگەهاندنێ ژبۆ کادرێن پارتی ل سنۆرێ ئیدارا سەربەخۆیا زاخۆ.