نووچه
ل ئادارا بووری لقی٨ داخوازا ڤەکرنا فەرمانگەها پاسپورتان کربوو
بو ڤەکرنا فەرمانگەهەکا پاسپورتان ل باژێرێ زاخو لقێ۸ یا پارتی دیموکراتی کوردستان ل ئادارا بووری، نڤیسینەکا تایبەت ئاراستەیی نڤیسینگەها پەرلەمانتارێن عیراقێ ل زاخو کر. ب نڤیسینا ژمارە (۱٦۹٦) ل رێکەفتی ۱۷/۳/۲۰۱۹ـێ ئاراستەیی نڤیسینگەها زاخو یا پەرلەمانتارێن عیراقێ کرییە و تێدا دیارکرییە، سنوورێ باژێرێ زاخو بەرفرەهییەکا مەزن ژلایێ ئاکنجیبوویان بخوەڤە دیتی یە و ئێدی سەرەدانکرنا وان بو دهوکێ بمەرەما دەرخستنا پاسپورتان ب زەحمەت کەفتییە. لقێ٨ ل گوری نڤیسینا خوە داخوازێ ژ پەرلەمانتارێن عیراقێ ل زاخو دکەت پێکولێن جددی بکەن ل بەغدا و گڤاشا پەیدا بکەن بو هندێ فەرمانگەهەکا پاسپورتان ل قەزا زاخو کو هەڤشێوێ فەرمانگەها پاسپورتان ل دیانا بهێتە ڤەکرن.
