مشعان جبووری: سەرۆک بارزانی دێ ھەر مینیت لیڤەگەرێ گەلێ کورد

سیاسەتمەدارەکێ ئیراقێ پەسنا رێورەسمێن سووندخوارنا سەرۆکێ ھەرێما کوردستانێ کر و راگەھاند؛ سەرۆک مەسعوود بارزانی دێ ھەر مینیت مامۆستا و سەرکردە و لێڤەگەرێ گەلێ کورد.
مشعان جبووری راگەھاند؛ رێورەسمێن سووندخوارنا نێچیرڤان بارزانی وەکو سەرۆکێ ھەرێما کوردستانێ، ب شێویەکێ گەلەک جوان ھاتبوون رێکخستن و حکومەتا بەغدا نەشیا وەکو وان رێورەسمان بۆ سووندخوارنا سەرۆککۆماری و سەرۆکێ وەزیران د سالێن بۆری دا بەرھەڤ بکەت.
مشعان جبووری راگەھاند؛ سەرۆک مەسعوود بارزانی دێ ھەر مینیت مامۆستا و سەرکردە و لێڤەگەرێ گەلێ کوردستانێ، پیرۆزباھی ژی ل نێچیرڤان بارزانی کرن و داخوازا سەرکەفتنێ د کارێ وی یێ نوو دا کر.
جبووری گۆت ژی: باوەرییەکا مەزن ب نێچیرڤان بارزانی ھەیە کو دێ سەرکەڤیت، ھەروەکو د سەرۆکاتییا حکومەتێ دا سەرکەفتی و ھەرێم کرییە مێرگەکا پێشکەفتنێ و ئارامیێ.