مه‌سروور بارزانى په‌یامه‌كا سه‌ره‌خوه‌شیێ به‌لاڤكر
محه‌مه‌دسدیق
مه‌سروور بارزانى سه‌روكێ حكومه‌تا هه‌رێما كوردستانێ، بهه‌لكه‌فتا وه‌غه‌را دوماهیێ یا جه‌واد سالح نه‌ورۆزى یێ ناسیار ب حاكم جه‌واد په‌یامه‌كا هه‌ڤخه‌میێ ئاراسته‌یى بنه‌مالا وى كر و د په‌یاما سه‌روكێ حكومه‌تێ دا هاتییه، ب داخڤه مه نووچه‌یێ وه‌غه‌ركرنا جه‌واد سالح نه‌وروزى بهێست، ئه‌م پرسه و سه‌ره‌خوه‌شیێن خوه ئاراسته‌یى بنه‌مال و كه‌سوكارێن وى دكه‌ین، هیڤیدارین خودایێ مه‌زن گیانێ وى ب به‌هه‌شتا خوه یا به‌رین شاد بكه‌ت و سه‌بر و هه‌دارێ ژى ب كه‌سوكارێن وى بده‌ت، حاكم جه‌واد ل سلا هه‌زار و نه‌هسه‌د و پێنجى و حه‌فتێ ل ره‌واندوزێ ژ دایك بوویه، سالا هه‌زار و نه‌هسه‌د و هه‌شتى و سیێ بو هه‌شتێ و چوارێ كولیژا یاسا و رامیارى، به‌شێ یاسایێ ل زانكویا به‌غدا ته‌مامكریه و باوه‌رنامه‌یا به‌كالۆریوس ب ده‌ستڤه ئینایه، هه‌ر سالا هه‌زار و نه‌هسه‌د و هه‌شتێ و چوارێ بوویه پێشمه‌رگه و ل سالا هه‌زار و نه‌هسه‌د و هه‌شتێ و نه‌هێ ژىئه‌ندامێ ده‌سته‌یا دامه‌زرینه‌ر یا ئێكه‌تییا مافپه‌روه‌رێن كوردستانێ بوویه ل چیایى، بۆ ده‌مه‌كێ ژى دادوه‌رێ شوره‌شێ بوویه، و ل رۆژا بیست و شه‌شى مه‌ها هه‌شت یا ئه‌ڤ ساله وه‌غه‌را دوماهیێ كر.
