نووچه
مه‌ككه.. گوتارا ئه‌ینییێ دێ ب زمانێ كوردی هێته دان
ل باژارێ مه‌ككه‌هێ یێ سعوودیێ دێ گۆتارا ئه‌ینیێ ب زمانێ كوردی بۆ حه‌جیێن هه‌رێما كوردستانێ هێته دان.
نه‌به‌ز ئسماعیل په‌یڤدارێ وه‌زاره‌تا ئه‌وقاف و كاروبارێن ئۆلی یا هه‌رێما كوردستانێ راگه‌هاند: بریاره ئەڤرۆ رۆژا ئه‌ینی ب به‌رهه‌ڤبوونا لژنه‌یا فه‌توایا تایبه‌ت یا حه‌جێ گۆتارا ئه‌ینیێ ب زمانێ كوردی بهێته دان كو ل مزگه‌فته‌كا تایبه‌ت یا جهێ مانا چار هزار حه‌جیێن هه‌رێما كوردستانێ بهێته دان، لێ ئه‌و جهێ گۆتار لێ دهێته دان تنێ تێرا هزار كه‌سان دكه‌ت و هه‌ر كه‌سه‌كێ ئازاده به‌رهه‌ڤی گۆتارێ ببیت یان نه.
ئه‌ڤه دوه‌مین ساله ل باژارێ مه‌ككه‌كێ گۆتارا ئه‌ینیێ ب زمانێ كوردی دهێته دان.
لگۆره‌ی زانیارییان ئه‌ڤساله 7 هزار كه‌سان ژ هه‌رێما كوردستانێ بۆ ئه‌داكرنا فه‌ریزه‌یا حه‌جێ چووینه باژارێ مه‌ككه‌هێ ل سعوودیێ.
