هەلبژارتن دێ د دەمێ خوه دا هێنه كرن

نێچیرڤان بارزانى، سه‌رۆكێ حكومه‌تا هه‌رێما كوردستانێ پشتى كۆمبوونا ئه‌ڤرۆ یا جڤاتا وه‌زیران د پرێسكۆنفرانسه‌كى دا راگه‌هاند: هەلبژارتن دێ د دەمێ خوه دا هێنه كرن و ئەمریكا داخوازا پاشخستنا هەلبژارتنان نەكرییه.

نێچیرڤان بارزانى ئەو یەکە ژی ئاشکەراکر کۆ؛ بزاڤێن پێكئینانا شاندەكا كوردستانى بۆ دانوستاندنێن پێكئینانا حكومەتا نوو بەردەوامن، هەروەها حكومەتێ پرۆژەیەكێ گشتگیر بۆ خزمەتكرنا مالباتێن شەهیدان هەیه و كۆمبوونێن پارتى و ئێكەتى خوه ئامادەكرنه بۆ پێكئینانا حكومەتا نوو.

سه‌رۆكێ حكومه‌تا هه‌رێما كوردستانێ راگەهاند: چ ئالییان ب فەرمى داخوازا پاشخستنا هەلبژارتنان نەكرییه و پارتى ل دژى پاشخستنا هەلبژارتنایه، هەروەها پەیوەندیێن هەولێر و ئەنقەره ئاسایى بووینه  و دێ ل دەمەكێ گونجایى سەرەدانا توركیا كەم، ئەو یەکە ژی راگەهاند کۆ؛ كێشەیێن هەولێر و بەغدایێ بەرەڤ چارەبوونێ دچن.

دەربارەیی مووچەیی ژی نێچیرڤان بارزانى راگەهاند: كێشەیا مووچەیى بەرەڤ چارەبوونێ دچیت و رەوشا دارایى یا هەرێمێ رۆژانه باشتر دبیت، ئێدى هەر 30 رۆژان جارەكێ مووچه دهێته دان

نێچیرڤان بارزانى: ڤەكرنا رێیا كەركووك بۆ هەولێرێ ل سەر دەمى مایه و هەرێما كوردستانێ ل دووڤ دەستوورێ ئیراقێ سەرەدەریێ ل گەل سێكتەرێ پەترۆلێ دكەت، هەروەها  بەغدا چ كێشه ل گەل هارتنا پەترۆلا هەرێمێ نینن.

نێچیرڤان بارزانى: رێفراندۆم بۆ چارەكرنا كێشەیێن ئیراقێ بوو، حكومەت دێ دەست ب خەرجكرنا پارەیێ بەلێندەران كەت و پڕۆژەیێن نیڤەڕۆ ماین دێ هێنه تەمامكرن .