ب ئاماده‌بوونا سه‌روك بارزانى جڤاتا سه‌ركردایه‌تیا پارتى كومبوو
محه‌مه‌دسدیق
ئه‌ڤرو ب ئاماده‌بوونا رێزدار مه‌سعود بارزانى جڤاتا سه‌ركردایه‌تییا پارتى دیموكراتى كوردستان ل پیرمام كومبوو، ده‌رباره‌یى ته‌وه‌رێن كومبوونێ ژى ئاراس حه‌سو ئه‌ندامێ جڤاتا سه‌ركردایه‌تیا پارتى گوت، به‌حسێ ئاماده‌كاریان بو هه‌لبژارتنێن داهاتیێن كوردستانێ و چاوانییا به‌شداریكرنا كوردان د حكومه‌تا داهاتى یا عیراقێ هاته كرن، و پرسا ب ده‌ست هه‌ژمارتنا ده‌نگان و هه‌روه‌سا پیكئینانا هه‌ڤپه‌یمانیان هاته گوتوبێژكرن، هه‌روه‌سا مه‌حموود محه‌ممه‌د په‌یڤدارێ پارتى دیموكراتى كوردستان راگه‌هاند، د كومبوونا ئه‌ڤرو دا عارف ته‌یفوور ب كوما ده‌نگێن ئه‌ندامێن جڤاتا سه‌ركردایه‌تیێ بوو ئه‌ندامێ مه‌كته‌با سیاسى، مه‌حمود محه‌ممه‌د گوت ژى، پارتى ڤیتو ل چو كه‌سه‌كێ نینه بو پوستێ سه‌روك وه‌زیرێن عیراقێ و ده‌رباره‌یى پوستێ سه‌روك كومارى ژى ئه‌گه‌ر تا نها ئالییه‌كێ ئه‌و پوسته د ده‌ستى دا بوویه رامانا وێ یه‌كێ ئه‌ڤه نینه بو هه‌ر و هه‌ر ئه‌و دێ خودانێ وى پوستى بیت و دبیت ب دانوستاندنێ بهێته ئێكلایى كرن
