نووچه
پۆلیسێن دهۆكێ: 6 تۆمه‌تبارێن برینداركرنا گه‌نجێن باتیفا هاتینه گرتن
پۆلیسێن پارێزگه‌ها دهۆكێ روونكرنه‌ك ل دۆر برینداركرنا 3 گه‌نجێن ناوچه‌دارییا باتیفا ل سه‌نته‌رێ باژارێ دهۆكێ به‌لاڤ كر و راگه‌هاند؛ 6 تۆمه‌تبار هاتینه گرتن.
د روونكرنا پۆلیسێن پارێزگه‌ها دهۆكێ دا هاتییه، ل سعه‌ت 1ى شه‌ڤ5ى مه‌ها 7، پۆلیسێن هه‌وارهاتنا دهۆكێ هاتنه هایداركرن، كو ل سه‌نته‌رێ باژارى شه‌ڕه‌ك د ناڤبه‌را ژماره‌یه‌كا گه‌نجان دا روودایه و پشتى پۆلیس گه‌هشتینه جهێ روودانێ، تۆمه‌تبار ره‌ڤیبوون و گه‌نجێن بریندار گه‌هاندنه نه‌خۆشخانێ.
دا یه زانین ژى، هه‌مان شه‌ڤێ ئێك ژ تۆمه‌تباران هات گرتن، پاشان د رۆژا د دووڤ دا 5 تۆمه‌تبارێن دى هاتینه گرتن و نها لێكۆلین بۆ زانینا ژمارا دروست یا تۆمه‌تباران به‌رده‌وامه و هه‌موو تۆمه‌تبار دێ راده‌ستى دادگه‌هێ هێنه‌‌كرن، دا كو بگه‌هن سزایێ خوه.
