ژ خه‌لكێرا جانه‌گانه و ژ خوه‌ره گولكن
هندى كو من دیروكا ژیانا وان كه‌سایه‌تیێن كورد ئه‌وێن ژ ده‌رڤه‌ى په‌روازێ كوردایه‌تیێ و ژ ده‌رڤه‌ى گه‌لێ كورد بتایبه‌ت دناڤ گه‌لێن تورك و فارس و عه‌ره‌بدا مه‌ره‌ما من ده‌ما د كه‌ڤنه د قادا خه‌باتێ و كاریدا ژبو گه‌لێن ناڤهاتى گه‌له‌ك ب شاره‌زاى و زیره‌كى و سه‌ركه‌فتى و وێره‌كانه كارێ خوه برێڤه بریه و 100% كه‌تیه د خزمه‌تا وى گه‌لیدا ێیكو بو كار دكه ڤێجا ئه‌ڤ كه‌سایه‌تیه سیاسه‌تڤانبه ,هونه‌رمه‌ندبه, كه‌سایه‌تیاله‌شكه‌ریبه كه‌سایه‌تیا ئولیبه نڤیسه‌ربه هتد….دكارم بێژم د خزمه‌تكرنا خه‌لكێدا كورد باشترین و سه‌ركه‌فتیترن خزمه‌تكارن ئه‌گه‌ر نه‌چینه دیروكا كه‌ڤن و سه‌لاحه‌دینێ ئه‌یوبى و خزمه‌تا وى یا هه‌رى مه‌زن و دیروكى ژبو عه‌ره‌بان ل بیر نه ئینین و ئاماژێ پێ نه‌دین چونكى كارێ ئه‌یوبى ئه‌نجامداى بخوه پێتڤى چه‌ندین بابه‌تێن درێژه به‌لكو پێتڤى ده‌ینانا په‌رتوكانه‌دیسان ل دیروكا هه‌ڤچه‌رخ و ئاڤاكرنا ده‌وله‌تێن مودێرن ل ده‌ستپێكا چه‌رخێ بیستێ ئه‌گه‌ر ئسمه‌ت ئینونو پاشا و رولێ وى د ئاڤا كرنا ده‌وله‌تا مودێرنا تركیدا و خزمه‌تا وى ژبو تاكێ تورك نه ئینین زمان باشترین و ناڤدارترین نڤیسه‌رێن توركان و ئه‌كته‌ر و سینه‌ماكارێن وان كوردن دیسان ئه گه‌ر نه چینه دیروكا سوریا كو باشترین سه‌روكوه‌زیر د دیروكا سوریادا و یێ ژ هه‌ركه‌سه‌كێ پتر قوربانى دایه داكو یه‌كگرتنا عه‌ره‌بان بجه وه‌ره ئه‌وژى شوكرى قوه‌تلیێ كورد بویه ژ بلى نڤیسه‌ر و ئه‌كته‌ر و زانایێن ئولى كو خزمه‌تا ده‌وله‌تا سوریا كرینه‌ناڤدارترین هه‌لبه‌ستڤانێ عه‌ره‌بان و میرێ هه‌لبه‌ستڤانان كورده و ژێرا دبێژن ئه‌حمه‌د شه‌وقى كورد كورێ كوردى بویه زیره‌كترین و ناڤدارترین روژنامه‌ڤانێن میسرێ كورد بونه بناڤێن (علی امین و مسته‌فا امین)كو دامه‌زرێنه‌رێن روژنامه‌ڤانیا میسرێنه ئهانوكه‌ژى باشترین وناڤدارترین ئه‌كته‌رێن میسرێ كوردن باشترین و خوه‌شده‌نگترین قورئانخوین دیسان كوردبویه لێ ب حه‌سابا میسرێ دیسان مه‌زنترین سینه‌ماكار و ده‌رهێنه‌رێ عه‌ره‌بان كورده و بهایێ دوو فره‌نگا خزمه‌ت ژبو كوردان نه‌كریه ژخوه ئه‌گه‌ر ئه‌م ڤه‌گه‌رین دیروكا ئێراقێ مرڤ دكاره بێژه ژ سه‌دسالان و ڤرده باشترین ئه‌فسه‌رێن له‌شكه‌رى و باشترین سیاسه‌تمه‌دار و باشترین سه‌روكوه‌زیر و سه‌روك كومار وباشترین زانایێن ئولى ته‌نانه‌ت یه‌ك ژ مه‌زنترین هه‌لبه‌ستڤانێ ئێراقێ كو زه‌هاویه ئه‌ڤانا هه‌موویان باشترین خزمه‌ت پێشكێشى وه‌لاتێ ئێراقێ كریه بێكو كورد خێرێ ژێ ب بینن هه‌لبه‌ت ژبو ئیرانێ و گه‌لێ فارسژى هه‌ر هه‌مان به‌زمه و هه‌مان دیلان خزمه‌تكرنا بیانیان ب شێوه‌یه‌ك سه‌ركه‌فتى و وێره‌كانه وه‌كو كولتوره‌كێه دناڤ كورداندا ئێدى تشته‌كى نورماله.جاران مروڤ بو خوه و ددلێ خوه‌دا دبێژه ئێدى نه‌مایه ئه‌و روژ كه‌سێن كورد خزمه‌تا بینیان یا دوژمنێن خوه بكن مینا به‌رێ چونكى ره‌وش گه‌له‌ك یاهاتیه گهورین به‌لێ مخابن وه‌سا نینه و نه ئه‌و بهاره یا ئه‌م ل به‌ندا كولیلكێن وێ ژ بێ ئومێدیا خوه من ئه‌ڤ جه‌ند رێزه نڤیسین هنك كه‌س نهاژى لسه‌ر هه‌مان په‌یره‌و و هه‌مان كولتورێ ئه‌یوبى وئینونوى به‌رده‌وامن براستى ئه‌ڤى هه‌لویستى ژ دل ئه‌ز بریندار كرم. ل روژا ئه‌ینیا ده‌ربازبوى 21.07.2017 ژ ئه‌گه‌رێ ده‌ینانا ده‌ریزانكێن ئه‌لكترونى بو چونه ژورا مزگه‌فتا ئه‌قسا ل ئورشه‌لیمێ شه‌ر و په‌فچون د ناڤبه‌را عه‌ره‌بان و پولیسێن ده‌وله‌تا ئسرائیلیدا په‌یدابو كوشتى و بریندارژى هه‌بون ژ ئه‌گه‌رێ ڤان بویه‌ران پێله‌كا نه‌رازیبونان په‌یدابو بتایبه‌ت ل ده‌وله‌تێن عه‌ره‌بى و ئیسلامى كو پروته‌ستویا ڤان دژواریا و كریاران دكرن پرانیا داخویانیان نه‌رمبون و ژ هه‌ردوو ئالیان د خواستن كو خوه راگر بن و بكارن خوه كونترول بكن داكو بویه‌ر مه‌زنتر نه‌بت و ل چاره‌سه‌ریێ بگه‌رن ژبو كو پتر خوین نه‌رژت و یه‌كه‌تیا زانایێن ئیسلامێژى به‌یننامه‌یه‌ك وه‌شاندن و ب دژوارى پروتوستویا ڤێ بویه‌رێ كرن و داخواز ژ ته‌ڤایا موسلمانان كر كو هه‌لوێسته‌ك ل هه‌مبه‌ر ڤان بویه‌ران هه‌به.لێ كه‌سێ هه‌رى دژوار ئاخفتى و خوه ل بویه‌ران كریه خوه‌دى و هه‌روه‌كو ئه‌و عه‌ره‌بێن فلستینێ باب و براو پسمامێن وى دیسان كورده‌ك بو بناڤێ علی قه‌ره‌داغى ئه‌میندارێ گشتى یێ یه‌كه‌تیا زانایێن موسلمانان كو د داخوینیا خوه‌دا هایداریێ دده ده‌وله‌تا ئسرائیل و د بێژه هوكار و ئه‌گه‌ر چى دبن بلا ببن لێ نابه رێك لبه‌ر نمێژكه‌ران وه‌ره گرتن یا ژڤێژى خرابتر علی قه‌ره‌داغى داخوازا به‌رپاكرنا شورشێ دكت دژى ئسرائیلى هه‌لبه‌ت ئه‌ڤ عه‌لیه هه‌ر ئه‌و عه‌لیه ئه‌وێ پارسال پشتى ب ده‌هان گوند و باژارێن كوردان ل باكورێ كوردستانێ ب ده‌ستێ ده‌ستهه‌لاتدارێن تركیا هاتینه كاڤل و وێرانكرن و بسه‌ر سه‌رێ به‌لنگازاندا هه‌رفاندین ئه‌ڤ عه‌لیه چویه تركیا و ده‌ستخوه‌شى ل ده‌ستهه‌لاتێ كر و بێكو گوه بدته هه‌ستێ 30 ملیون كوردان ل باكور ب ده‌نگه‌ك بلند دگوت گونه‌هه كورد ل دژى حكومه‌تا ئاكه‌پێ شه‌رى بكن وه دیت چه‌وا مێركێ كورد ژبو خزمه‌تكرنا بیانیان داخوازا به‌رپابونا شورشان دكه به‌لێ هه‌ر ئه‌و مروڤ د ده‌ڤێ ویرا نائێت ب حوكمێ جهێ خوه و كورسیا خوه بانگ ل ده‌وله‌تێن ئیسلامى و عه‌ره‌بى بكه و بێژته وانا چما هوین ل دژى ریفراندوما كوردا و راگه‌هاندنا ده‌وله‌تا كوردستانێنه د ده‌مه‌كێدا كو د دیروكێدا ئه‌م وه‌كى ئیرو پێتڤى پشتگیریا ده‌ره‌كى نه‌بوینه و هه‌ر ئه‌ڤى كه‌سى به‌رى نها ب ده‌هان جاران داخوازا كریه كو ده‌وله‌ته‌ك سه‌ربخوه ژبو فلستینیان بێته راگه‌هاندن ودانپێدان پێ بێته كرن باشه گه‌لو پرسیاره‌كێ ئه‌ڤێن هوسا ژ دیروكێ ناترسن كو روژه‌كێ ژ روژان ڤان هه‌لوێستان ئه‌شكه‌ره‌بكن ؟؟