حكومه‌تا هه‌رێمێ ل دۆر كێمكرنا پاشکەفتا مووچەیان کۆم بوو

جڤاتا بلندا په‌ترۆل و گازێ ب سه‌رپه‌رشتییا سه‌رۆكوه‌زیرێ هه‌رێمێ كۆمبوو و باس ل داهاتێن هه‌رێمێ و كێمكرنا پاشکەفتا مووچه‌یێ فه‌رمانبه‌ران كر.
جڤاتا بلندا په‌ترۆل و گازێ ل هەرێما کوردستانێ ئه‌ڤرۆ كۆمبوو و باس ل داهاتێ هەرێما کوردستانێ و دیتنا رێیه‌كێ ژ بۆ دەست کاری کرنا پاشکەفتا مووچەیێ فەرمانبەرێن هەرێما کوردستانێ كر، د كۆمبوونێ دا كۆیا داهاتێن هه‌رێمێ و ئه‌و پاره‌یێ ژ به‌غدا دهێت هاتنه‌ به‌حس كرن.
ژێده‌ره‌كی ژ جڤاتا وه‌زیرێن هه‌رێمێ  راگه‌هاند؛ کۆمبوونا ئه‌ڤرۆ یا شیره‌تكاری بوو‌ و تنێ هند پێشنیاز بۆ کۆمبوونا جڤاتا وەزیران هاتنه‌ ئامادە کرن و چاڤه‌رێیه‌ جڤاتا وه‌زیران راگه‌هاندنه‌كێ ل سه‌ر هۆركاتییێن كرمبوونێ به‌لاڤ بكه‌ت.
جڤاتا بلندا په‌ترۆل و گازان ژ نێچیرڤان بارزانی سەرۆکێ حکومەتێ و قوباد تاله‌بانی جێگرێ سەرۆکێ حکومەتێ و وەزیرێ پلان دانان و وەزیرێ دارایی و وەزیرێ سامانێن سروشتی پێک دهێت.