حکومەتێ خشتەیێ مووچەیێن ھەموو وەزارەت و سازییان بەلاڤ کر

وەزارەتا دارایی و ئابۆری یا حکومەتا ھەرێمێ خشتەیێ پارڤەکرنا مووچەیێن ھەموو وەزارەت و سازییان یێ مەھا چرییا دووێ یا سالا بووری بەلاڤکر.
ل گۆرەیی راگەھاندنا وەزارەتا دارایی: ئه‌ڤرۆ وەزارەتێن خواندنا بلند، داد، کاروبارێن جڤاکی، پلاندانان، سامانێن سرۆشتی، ڤەگوھاستن، ئاڤەدانکرن، پیشەسازی و بازرگانی، جڤاتا دادوەری، دەرمالەیێن جڤاکی، جڤاتا ئاساییشێ دێ موچه‌ى وه‌رگرن.
ھەروەسا سوبه‌ رۆژا دوشەمبی رێککەفتی 26ی ڤێ مەھێ: وەزارەتێن کارەبا، چاندن، ئەوقاف، رەوشەنبیری، دەزگایێ مین، دیوانا چاڤدێریێ، دەڤەرێن دەرڤەی ھەرێمێ، دەستەیێن مافێ مرۆڤ، وەبەرھێنان، دەستپاکی، کۆمسیۆنا ھەلبژارتنا، دەزگایێ ئاساییشێ، سەرۆکاتیێن ھەرێم و پەرلەمان و حکومەتێ دێ مووچەیێن خوە وەرگرن.
ل رۆژا سێشەمبی ژی مووچەیێن فەرماندەیێن زێرەڤانی و پێشمەرگەیێن بەرگری و ھەوارھاتنێ، ل چوارشەمبیێ ژی یەکەیێن 70ێ و 80ێ و پێینج شەمبی ژی دیوان و لیوایێن وەزارەتا پێشمەرگەی دێ هێنه‌ دان.