نووچه
حكومه‌تا هه‌رێمێ كۆمیته‌یه‌ك بۆ پێداچوونا پاشكه‌فتا مووچه‌ی پێكئینا
حكومه‌تا هه‌رێما كوردستانێ، كۆمیته‌یه‌كا بلند بۆ پێداچوونا پاشكه‌فتا مووچه‌یی پێكئینا و رۆژا پێنج شه‌مبی ژی دێ حكومه‌تا هه‌رێمێ بریارا داوییێ ل سه‌ر پێشنیازێن وێ كۆمیتێ ده‌ت.
د كۆمبوونا دوهی یا حكومه‌تا هه‌رێما كوردستانێ دا، كۆمیته‌یه‌كا بلند بۆ پێداچوونێ د پاشكه‌فتا مووچه‌یێ فه‌رمانبه‌ران دا هاتییه پێكئینان كو دیڤچوونا هه‌موو داهاتێن د ده‌ستێ حكومه‌تا هه‌رێمێ دا بكه‌ت، هه‌روه‌سا ل گه‌ل وی پاره‌یێ مه‌هانه ژ به‌غدا دهێت و ل گۆره‌یی وی پاره‌یی سیسته‌مه‌كێ نوو بۆ پاشكه‌فتا مووچه‌یان بهێته دانان.
هه‌روه‌سا حكومه‌تێ بریاردایه، رۆژا پێنج شه‌مبییا بهێت كۆمببیت و بریارا داوییێ ل سه‌ر پێشنیازێن وێ كۆمیتێ بده‌ت و بۆ مه‌ها بهێت، مووچه ل گۆره‌یی سیسته‌مه‌كێ نوو بهێته دابه‌شكرن كو پاشكه‌فت بۆ كێمترین رێژه بهێته كێمكرن.
