سیدەکان.. فرۆکەیێن تورکیا دەڤەرا برادۆست بۆمبەباران کر

فرۆکەیێن شەرکەرێن تورکیا شڤێدی ل سات ھەشت سنۆرێن دەڤەرا برادۆست ل سیدەکان بۆمبەباران کر و ل گۆری سوپایێ توركیا زیان گه‌هاندینه‌ په‌كه‌كێ.
ئحسان چەلەبی رێڤەبەرێ ناوچەدارییا سیدەکان دیارکر، ل سه‌عه‌ت ھەشتی شڤێدی فرۆکەیێن شەرکەرێن تورکیا بۆمبارانا دەڤەرێن خنێرە و چیایێن کوویت و خوارکورک کر.
سوپایێ توركیا ژی ئه‌ڤرۆ دیاركرییه‌، د ئه‌وێ بۆمبه‌بارانێ دا، دوازده‌ گه‌ریلایێن په‌كه‌كێ هاتینه‌ كوشتن، پارتییا كاركه‌رێن كوردستانێ ژی، ئه‌و یه‌ك پشت راست نه‌كرییه‌.
دەمەکە فرۆکەیێن شەرکەرێن تورکیا ب بەردەوامی بنگەھێن پەکەکێ ل دەڤەرا برادۆست بۆمبەباران دکەت و گەلەک جاران ژی سڤیل بووینە قوربانی وێ بۆمبەبارانێ.