مێرگەسۆر: فرۆکەیێن تورکیا گوندێن شێروانا مەزن بۆمبەباران کرن

فرۆکەیێن شەرکەرێن تورکیا شڤێدی گوندێن سنۆرێ ناوچەدارییا شێروانا مەزن سەر ب دەڤەردارییا مێرگەسۆرێ ڤە بۆمبەباران کرن، سێ وەلاتیێن باژارێ سۆران ژی ل وێ دەڤەرێ ئاسێ مابوون.
فرۆکەیێن تورکیا گوندێن دەردۆرا ناوچەدارییا شێروانا مەزن سەر ب مێرگەسۆرێ ڤە بۆمبەباران کرن و 3 وەلاتی ل وێ دەڤەرێ ئاسێ مابوون.
کۆڤان رەشید، رێڤەبەرێ ناوچەدارییا شێروانا مەزن بۆ وار راگەھاند؛ 3 وەلاتییێن باژارێ سۆران ب مەرەما سەیران و گەشتان چووینە دەڤەرا شێروانا مەزن، ژبەر بۆمبەبارانا فرۆکەیێن تورکیا ژی ئاسێ مابوون.
ئاشکرا ژی کر، ئەڤرۆ سپێدێ ئەو 3 وەلاتی ھاتنه‌ رزگارکرن، پتریا گوندێن دەڤەرێ ژی ژبەر بۆمبەبارانا فرۆکەیێن تورکیا ھاتینە چوولکرن.
رێڤەبەرێ ناوچەدارییا شێروانا مەزن گۆت ژی: فرۆکەیێن تورکیا رۆژانە وێ دەڤەرێ بۆمبەباران دکەت، خەلک ژی نەشێن ژبۆ کاری و سەیرانان بچنە وان گوندان.