هه‌رێما كوردستانێ و فلپین دێ په‌یوه‌ندیێن خوه پێشدابه‌ن
هه‌ر ئه‌ڤرۆ شیره‌تكارێ جڤاتا ئاساییشا هه‌رێما كوردستانێ و كاربرێكارێ كاروبارێن بالیۆزخانه‌یا فلپینێ ل ئیراقێ دووپاتی ل پێشدابرنا په‌یوه‌ندیێن هه‌رێم و فلپینێ دا كر.
مه‌سروور بارزانی شیره‌تكارێ جڤاتا ئاساییشا هه‌رێما كوردستانێ پێشوازی ل ئه‌لمیر كاتۆ كاربرێكارێ كاروبارێن بالیۆزخانه‌یا فلپینێ ل به‌غدا كر و وی به‌رپرسێ فلپینێ خویا كر: سه‌قامگیری و ئاساییش تایبه‌تمه‌ندیه‌كا گرنك یا هه‌رێما كوردستانێ نه و فاكته‌ره‌كه بۆ دوباره ڤه‌ژاندنا هه‌رێمێ د هه‌می بیاڤان دا.
هه‌روه‌سا ناڤبری سوپاسیا كه‌لتۆرێ لێبۆرین و پری رێز یێ گه‌لێ كوردستانێ كر ژ به‌ر وێ سه‌ره‌ده‌رییا باش یا دگه‌ل وه‌لاتیێن فلپینی ل هه‌رێما كوردستانێ دهێته كرن.
هه‌روه‌سا ناڤبری خواست ژی، وه‌لاتێ وی د ده‌مه‌ك نێزیك دا په‌یوه‌ندیێن خوه دگه‌ل هه‌رێما كوردستانێ دهه‌می بیاڤان دا پێشداببه‌ت.
ژ ئالیێ خوه‌ڤه مه‌سروور بارزانی ئاماژه ب گرنگییا پێگه‌هێ فلپینێ كر وه‌ك وه‌لاته‌كێ خودان شیانێن بهێز یێن مرۆڤی و هیڤیخواستن د پاشه‌رۆژه‌ك نێزیك دا ئاستا هاریكاری و هه‌ماهه‌نگییا هه‌ردو ئالیان كو هه‌رێمێ و فلپینن ببنه جهێ خواستا هه‌ردو ئالیان.
