نووچه
وه‌زیرێ ده‌رڤه یێ توركیا سه‌ره‌خۆشى ل نێچیرڤان بارزانى كر
وه‌زیرێ ده‌رڤه یێ توركیا په‌یوه‌ندى ب نێچیرڤان بارزانى، سه‌رۆكوه‌زیرێ هه‌رێما كوردستانێ كر و سه‌ره‌خوشى ل وى و مالباتا بارزان كر.
ل گۆره‌یى مالپه‌رێ فه‌رمى یێ حكومه‌تا هه‌رێمێ، ئه‌ڤرۆ ئێڤارى، مه‌ولوود چاویشئۆغلۆ، وه‌زیرێ ده‌رڤه یێ توركیا ب رێیا ته‌له‌فۆنێ په‌یوه‌ندى ب نێچیرڤان بارزانى، سه‌رۆكوه‌زیرێ هه‌رێما كوردستانێ كر و ژبه‌ر وه‌غه‌را دلۆڤان بارزانى سه‌ره‌خۆشى ل سه‌رۆكوه‌زیر نێچیرڤان بارزانى كر.
چاویشئۆغلۆیى هه‌ڤخه‌مییا خوه گه‌هانده سه‌رۆكوه‌زیر بارزانى و داخواز كر داوى نه‌خوه‌شییا مالباتا بارزان بیت.
سه‌رۆكوه‌زیر بارزانى ژى، سوپاسییا په‌یوه‌ندی و هه‌ڤخه‌مییا وه‌زیرێ ده‌رڤه یێ توركیا كر.
