کۆمسیۆنێ ده‌ما بانگەشەیا ھەلبژارتنان ل ھەرێما کوردستانێ پاشخست

کۆمسیۆنا بلندا سەربخوەیا ھەلبژارتنان ل ئیراقێ، ده‌ما دەستپێکرنا بانگەشەیا ھەلبژارتنان ل ھەرێما کوردستانێ پاشخست.
ل گۆرەیی ئاگەھیێن مەدیایێ کو ل سەر زارێ رزگار حاجی حەمە، جێگرێ سەرۆکێ کۆمسیۆنا بلندا سەربخوەیا ھەلبژارتنان ل ئیراقێ بەلاڤکرینە گۆت: دەستپێکرنا بانگەشەیا ھەلبژارتنان ل ھەرێما کوردستانێ بۆ دەما ئێک رۆژ ھات پاشخستن، ئاماژەکر ل سەر داخوازا ئێکگرتوویا ئیسلامییا کوردستانێ کو رۆژا چواردەیی ڤێ مەھێ رۆژا ئەنفالانە ئه‌وێن ل دژی گەلێ کورد ل سەر دەستێ رژێما بەعسا ژناڤچووی ھاتینه‌ کرن، بریارا پاشخستنێ ھات دان.
کۆمسیۆنا بلندا سەربخوەیا ھەلبژارتنێن جڤاتا نوونەرێن ئیراقێ چواردەیی مەھا نیسانێ وەک ژڤانێ دەستپێکرنا بانگەشەیێ دەستنیشانکریە، بڤێ بریارێ ژی ل ھەرێما کوردستانێ دێ ل پازدەیی مەھێ دەستپێکەت.