نێچیرڤان بارزانی و شاندا هه‌ده‌پێ دوپاتی ل چاره‌كرنا كێشه‌یا كوردی ب رێیێن ئاشتییانه كر
سه‌رۆكوه‌زیرێ هه‌رێما كوردستانێ و شاندا هه‌ده‌پێ یا نها ب سه‌ره‌دان ل هه‌رێما كوردستانێ دوپاتى ل چاره‌كرنا كێشه‌یا كوردی ل توركیا ب رێیێن سیاسی و ئاشتییانه‌كر.
شڤێدی نێچیرڤان بارزانی سه‌رۆكوه‌زیرێ هه‌رێما كوردستانێ پێشوازى ل شانده‌كا بلندا پارتییا دیمۆكراتیك یا گه‌لان هه‌ده‌پێ ب سه‌رۆكاتییا په‌روین بۆلدان هه‌ڤسه‌رۆكا وێ پارتیێ كر و تێدا هه‌ڤسه‌رۆكا هه‌ده‌پێ سه‌ره‌خوه‌شیێن پارتییا خوه‌ب وه‌غه‌را دلۆڤان بارزانی گه‌هاندن نێچیرڤان بارزانی و هه‌ڤخه‌مییا خوه‌پێ راگه‌هاند.
ژ ئالیێ خوه‌ڤە سه‌رۆكوه‌زیرێ هه‌رێمێ پیرۆزباهییا په‌روین بۆلدان وه‌ك هه‌ڤسه‌رۆكا هه‌ده‌پێ د كۆنگره‌یا داویێ یا پارتییا وێ دا هاتی هه‌لبژارتن كر، هه‌روه‌سا د كۆمبوونێ دا سه‌رۆكوه‌زیرێ هه‌رێمێ و شاندا هه‌ده‌پێ دوپاتى ل چاره‌كرنا كێشه‌یا كوردی ل توركیا ب رێیێن سیاسی و ئاشتییانه‌كر.
