ئیراق.. جڤاتا ئاساییشا نیشتیمانی پاراستنا سنۆران گۆتوبێژ دكه‌ت
جڤاتا ئاسایشا نشتیمانی یا ئیراقێ ب سه‌رۆكا‌تییا سه‌رۆكێ وه‌زیران، حه‌یده‌ر عه‌بادی كۆمبوو و باس ل پاراستنا سنۆر و به‌رهه‌نگاربوونا تیرۆرێ كر.
ئۆفیسا سه‌رۆكوه‌زیرێن ئیراقێ ئه‌ڤرۆ به‌یانه‌ك ل دۆر ناڤه‌رۆكا كۆمبوونێ بەلاڤ کرییە و تێدا راگه‌هاندییه؛ جڤاتا ئسایشا نشتیمانی یا ئیراقێ ب سه‌رۆكا‌تییا حه‌یده‌ر عه‌بادی كۆمبوویه، پرسێن پاراستنا سنۆران و دورخستنا ترسا تیرۆرێ هاتییه گۆتوبێژ كرن، هه‌روه‌سا راپۆرتەک ل دۆر ره‌وشا سنۆری و پلانا پاراستنا سنۆران هات ئاراسته كرن.
ئاماژه ژی كرییه، هه‌ر د كۆمبوونێ دا باس ل گرێبه‌ستا کڕینا چەکی كرینه، پشكه‌كا دی یا كۆمبوونێ ژی باس ل پشكدارییا ئیراقێ د كۆنگره‌یا پاریسێ دا کرییە کو ژڤانه ل بیست و شەشێ ڤێ مەهێ بهێت ساز كرن.
هه‌ر ل گۆری به‌یانێ، حه‌فتێ وه‌لات و پازده رێكخستنێن نێڤده‌وله‌تی و هه‌رێمی د گه‌ل ئاژانسێن تایبه‌ت ژ بۆ به‌رهه‌نگاربوونا تیرۆرێ دێ پشكداریێ د كۆنگره‌یێ پاریسێ دا كه‌ن.
