ئەمریکا: ھێرشا کێمیایی دێ باجا توند ھەبیت
بەرپرسێن ئیدارەیا ئەمریکا ب توندی ھێڕشا کێمیایی یا دۆما شەرمزار دکەن و باس ل بەرسڤەکا توند دکەن.
مایک پێنس، جێگرێ سەرۆکێ ئەمریکا ل سەر ئەکاونتێ خوە یێ تویتەری ب توندێ ئەو ھێڕشا کێمیایی شەرمزار کر و نڤێسیە، پێدڤییە رژێما ئەسەد و پشتەڤانێن وان ڤان رەفتارێن هۆڤانە بهێلن.
ژ ئالیێ خوە ڤە ژی پۆل رایان، سەرۆکێ جڤاتا نوونەرێن ئەمریکا د تویتەکێ دا راگەھاند؛ بکارئینانا چەکێ کێمیایی کارەساتەکە کو وەلاتێن بەرپرسیا ژبیر ناکەن و پێدڤیە ئەمریکا جڤاکا نێڤدەولەتی ھانبدەت داکو رژێما ئەسەد و رۆسیا بەرپرساتیێ ل ستۆیێ خوە بگرن.
ژ ئالیێ خوە ڤە ژی جۆن مەکین، سیناتۆرێ ب ناڤودەنگ یێ کۆماریان ژی د تویتەری دا ب توندی ئەو ھێڕش شەرمزار کریە و نڤێسیە، بریارا ڤەکێشانا سەربازێن ئەمریکی ژ سووریێ تنێ دێ ئەسەدی بھێزتر کەت داکو ھێڕشێن زێدەتر بکەت، لەورا پێدڤیە دۆنالد ترامپ ب ھەمان رەنگێ سالا بۆری بەرسڤا ڤێ ھێڕشێ ژی بدەت.
