سوبه دێ سه‌رۆكاتییا په‌ڕله‌مانی ل دۆر قانوونا چاكسازییێ كۆمبیت
بریاره سوبه سه‌رۆكاتییا په‌رله‌مانێ كوردستانێ و سه‌رۆك فراكسیۆن و ده‌سته‌یا شیره‌تكاری یا په‌رله‌مانی، كۆمبوونه‌كا تایبه‌ت ل دۆر پێداچوونا قانوونا چاكسازییا مووچه‌یێ خانه‌نشینان بكه‌ن.
سوبه رۆژا سێ شه‌مبی دێ ده‌سته‌یا سه‌رۆكاتییا په‌ڕله‌مانی ل گه‌ل سه‌رۆكفراكسیۆن و ده‌سته‌یا شیره‌تكارێن په‌رله‌مانی كۆمبیت و ژڤانێ پێداچوونێ د قانوونا چاكسازیێ دا دیاركه‌ن و باس ل پێداچوونێ د به‌رگه و مادده‌یێن پێدڤی دا كه‌ن كو تێبینی ل سه‌ر هه‌نه.
ل داوییا مه‌ها شوباتا ئه‌ڤ ساله، پەڕلەمانێ کوردستانێ پرۆژه‌قانوونا چاکسازییا مووچەیێ خانەنشینان كو ژ بیست و سێ مادده‌یان پێكدهێت په‌سه‌ندكر، ئه‌و پرۆژه كو ژ ئالیێ حكومه‌تا هه‌رێمێ ڤه هاتبوو ئاماده‌كرن، گه‌ر ب ته‌مامی بهێته بجهئینان، دێ مەھانە سەد تا سه‌د و پێنجی ملیار دینارێن خانه‌نشینێن نه‌یاسایی بۆ خزینه‌یا گشتی ڤەگەرینیت.
