ئێکەتیا زانایێن بوسرمان ژ جڤاکا نێڤدەولەتی خواست ئەسەدی سزا بدەت
ئێکەتییا جیھانی یا زانایێن بوسرمان ھێرشکرنا رژێما سووریێ لسەر غووتا رۆژھەلات شەرمزار کر، و راگەھاند؛ حکومەتا سووریێ ھەموو سنۆرێن مرۆڤاتیێ دەربازکرینە.
د.عەلی قەرەداغی ئەمیندارێ گشتیێ ئێکەتییا جیھانی یا زانایێن بوسرمان د بەیانەکی دا ھێرشکرنا رژێما سووریێ لسەر باژارکێ دوما ل غووتا رۆژھەلات شەرمزار کر، و راگەھاند؛ حکومەتا سووریێ ھەموو سنۆرێن مرۆڤاتیێ دەربازکرینە.
ئەمیندارێ گشتیێ ئێکەتییا جیھانی یا زانایێن بوسرمان ، ژ بەر وی یەکێ ژی خواست جڤاکا نێڤدەولەتی ھەلوەستەکێ توند ل بەرانبەر ئەوان تاوانێن رژێما ئەسەد وەربگریت.
رژێما سووریێ ل رۆژا ھەشتێ ڤێ مەھێ، ب چەکێ کێمیایی ھێرشی سەر ناڤچەیێن ئاکنجیبۆنا سڤیلان ل باژارکێ دوما کربوو، کو دبیتە داوی خالا دبن دەستەلاتا ئۆپۆزسیۆنا سووریێ ل غووتا رۆژھەلات، ژ بەر وێ یەکێ ژی حەفتی و ھەشت کەسان گیانی خوە ژ دەست دابوو.
